ليناش هي ماركة جديدة للّبسة فـالجزائر، أسّساتها المؤثرة المعروفة لينا. لينا تُعتبر من أصغر وأنجح المؤثرات فـالجزائر . بدا مشوارها كي قرّرت تشارك ستيلها وحياتها اليومية على السوشيال ميديا.
المحتوى تاعها كان عفوي، صادق، وقريب للقلوب، وهاد الشي خلا بزاف بنات ونساء جزائريات يتبعوها، خاصةً المراهقات. وجودها القوي على تيك توك وإنستغرام خلاها تولي معروفة فالجزائر كامل.
ومن بعد ما حقّقت نجاح كبير على السوشيال ميديا، دارت خطوة جديدة وجريئة وأسّسات ماركتها الخاصة ليناش. الماركة ماشي غير لبسة، بل تمثّل الثقة، الإبداع، وقوة إنّك تكون ديما على طبيعتك. ديزايناتها مودرن، وفي نفس الوقت فيها لمسة جزائرية، وهاد الشي خلاها تكبر يوم بعد يوم وتشدّ انتباه الجيل الجديد لي يحب يلبس بالستايل وبالهويّة. خلونا نكتاشفو رحلتها الى النجاح فهذ المقال !
لينا كانت دايماً مُلهمة بروحها وستيلها الخاص. أغلب تصاميم الماركة تاعها جايين بستايل محتشم، يوالم البنات اللي يلبسو الحجاب، و حتى اللي ما يلبسوش بصح يحبّو اللبسة المحتشمة.
القطع اللي تديرهم الماركة جايين بكاجوال ستايل، مناسبين للمواعيد، التسوق، خرجات مع العائلة ولا الصحابات، و حتى للجامعة.
ستايل الماركة يعكس ذوق بزاف بنات جزائريات، و يحترم المعايير تاع اللباس المحتشم اللي متعودين عليه في مجتمعنا
هاد اللوك فيه لمسة أناقة ناعمة مع ستايل عصري و محتشم. الفستان بلون أخضر باهت (pastel sage) جاي بطريقة خفيفة و راقية، يعطيك الراحة و الشياكة فـنفس الوقت. القماش فيه لمعة خفيفة كيما الساتان، و الكاب الشيفون اللي يهبط من الكتاف يعطي إحساس كيما القصص الخيالية، بلا ما يكون مبالغ فيه. الحجاب الكريمية مع تفصيلة وردة صغيرة زادت زينت الطلة بطريقة بسيطة و أنيقة. سواء راكي رايحة لجمعة خاصة ولا غير حابة تحسي بروحك جميلة و مرتاحة، هاد اللوك يجي مناسب للبنات اللي يحبّو البساطة الرايقة و يحافظو على ستايل محتشم. واش يجيك تلبسي حاجة كيما هادي؟
اول محل ل لينا فتحاتو فالشرق الجزائري تحديدا بسطيف
بعد النجاح الكبير تاع أول محل تاعها ، لينا فتحت بوتيك جديد فـالقبة، فالجزائر العاصمة، وقرّبت منتجاتها المحتشمة والمميزة لأكثر نساء. وماشي لازم تكوني قريبة باش تشري، تقدري تكتشفي كل القطع وتشريهم من الموقع الرسمي تاعها أونلاين.
وما حبستش هنا—لينا طلّقت ماركة جديدة تحت اسم “Lyseena”، مخصصة للباس التقليدي الجزائري كيما القفاطن، البدرون، والفساتين التراثية الأنيقة. التصاميم فيها بساطة، احتشام، ولمسة عصرية، ومع جودة مليحة وأثمان معقولة. إذا تحبي الستايل الكلاسيكي بلمسة جديدة، Lyseena تستاهل تلقي عليها نظرة! شفتي المجموعة تاعها ؟
استقبل المتابعين الجزائرين فكرة شراء منتجات لينا كما انهم وضعو ثقتهم في المنتجات و بداو يشرو من الموقع تاع ليناش .
ساهم ظهور لينا في السوشل ميديا و مشاركتها حياتها و تفاصيل يومياتها و هويتها باش ناس توثق فيها و في المنتجات تاعها و تشري من عندها في بداية رحلتها.
لكن بعد ذالك الناس كي جربو يلبو من عنها صح حبو الجودة، الاسعار، و الستايلات المحتشمة العملية .
لينا كان عندها قبول حبت الجمهور تاعها و جمهورها حبها ، كسبت حب الجزائريات و ثقتهم و هذا خلاها تنجع فالبزنس تاعها و طور منو حيث انها تبيع يوميا عشرات و ربما مئات القطع ، و بنسبة لزمن القصير لي بدات فيه مشرعها تبين انها نجحت فيه و طورت منو و اثبتت انها تستحق ثقت الشعب فيها.
ليناش جات كخطوة طبيعية فمسيرة لينا، من مشاركة ستيلها الشخصي على السوشيال ميديا، لإنشاء ماركة تعكس القيم تاعها وذوق بزاف نساء جزائريات. الماركة تقدّم قطع محتشمة، مريحة، وعصرية، تناسب الحياة اليومية. ومن جهة أخرى، Lyseena جابت نظرة جديدة على اللباس التقليدي الجزائري بتصاميم بسيطة، راقية، ومصنوعة باهتمام. الزّوج ماركات يهدفو يوفرو مودا قريبة من الناس، صادقة، ومربوطة بثقافتنا
