حقيبة لونشون "Le Pliage" ولات صاحبة يومية بصح. بتصميم أنيق، وسهولة الطي، وجاذبية ما تروحش مع الوقت، تدخل بانسجام فـروتين المرأة الجزائرية: من الخدمة، للخرجات مع العائلة، وحتى السفر. في المتناول و شيك، قوية وبنفس الوقت ستايل ، "Le Pliage" ولات قطعة أساسية لازم تكون عند كل مرا جزايرية عصرية، لأنها تجمع بين العملية والاناقة الفرنسية
“ لونشون هي شركة فرنسية للمنتجات الجلدية، تأسست في باريس سنة 1948 على يد جان كاسغران. في البداية، اشتهرت الشركة بابتكار أنابيب فاخرة مغطاة بالجلد قبل ما تتوسع نحو المنتجات الجلدية الصغيرة. وفي سنة 1971، طرحت أول حقيبة يد نسائية، لتصبح من أبرز صانعي المنتجات الجلدية في فرنسا. اليوم، تصمم وتنتج الشركة حقائب جلدية وقماشية، حقائب سفر، أحذية، إكسسوارات موضة، وملابس جاهزة للنساء. المؤسسة ما زالت ملكية خاصة وتُدار من طرف عائلة كاسغران المؤسسة، وتزاول نشاطها في 80 دولة عبر حوالي 1,500 نقطة بيع.”
— الويكيبيديا
علاش هذي الشعبية؟
حقيبة لونشون Le Pliage ولات مشهورة خاطرها جمعت ما بين العملية و الستايل، التصميم تاعها خفيف ويتطوى، جا مثالي للنساء لي ديما فالحركة. القماش النايلون مع اللمسات الجلدية عطاها قوة وسهولة فالتنظيف.
كي ولات معروضة عند المشاهير، المجلات، والسوشيال ميديا، الشهرة تاعها ولات عالمية. الحقيبة هذي تكيفت مع ستايل الحياة العصري فالمدن وحتى مع الأجواء التقليدية، وبهذا ربحت قلوب النساء فالجزاير و فالعالم كامل، وولات رمز يجمع ما بين الوظيفية والأناقة.
كيفاش ولى تراند؟
حقيبة Le Pliage تاع لونشونن طلعات للشهرة بفضل ثلاثة نقاط أساسية: تصميم ذكي، تأثيرات ثقافية غنية، وانتشار عالمي. الخطوط البسيطة بصح أنيقة شدّت انتباه النساء لي كانو يقلبو على حقيبة يومية تكون شيك وفي نفس الوقت عملية. وزيد، الخفة، القابلية للطي، والصلابة خلاوها تولي ضرورية وما يستغناش عليها.
لونشون حافظت على الحقيبة دايما جديدة وعصرية من خلال ألوان موسمية، إصدارات محدودة و التعاونات مع المصممين وفنانين، وهذا خلق buzz وزاد قيمتها عند الناس لي يحبّو يجمعو.
وفي نفس الوقت، المشاهير، صحافيات الموضة، والمؤثرين تبنّاو الحقيبة وظهروا بيها فالمجلات وعلى السوشيال ميديا، الشي اللي عطالها شهرة عالمية.
في يد المشاهير
حقيبة لونشون Le Pliage ولات cult classic ملي ولات تبان فـيدين نجوم عالميين، مشاهير، موديلات وأيقونات ستايل. فالمطارات ولا فشوارع المدن، كانت الحقيبة القابلة للطي تبان بزاف معلّقة على كتاف المشاهير، لي ورّاو بلي الأناقة ما تحتاجش جهد كبير.
هاد الظهور عطا للحقيبة دفعة قوية: من مجرد حاجة عملية تولّت fashion statement مرغوبة بزاف. وهكذا، ما بقاتش تراند عند المشاهير برك، بل حتى النساء العاديات حبّو يجرّبو داك الستايل "easy chic".
بصح كي نقارنوها بالقدرة الشرائية تاع بزاف جزايريين، الحقيبة Longchamp Le Pliage تبان أكثر ماشي كحاجة يومية عادية. الثمن تاع الحقيبة اللي المفروض تكون عملية ومتعددة الاستعمالات يبان غالي، ومشي كامل يقدرو يشريوها. على خاطر هاد السبب، ورغم اللي مازالو حابين يتبعو الموضة، بزاف نساء جزايريات يختارو ديما خيارات أرخص
بزاف نساء ولاو يختارو المقلّدين تاع Le Pliage، باش يقدرو يتبعو الستايل بلا ما يخلّصو الثمن كامل تاع المارك الأصلي، وهذا من ورا الطلب اللي راهو يكبر. بصح ضوك، كاين مواقع موثوقين يقدرو الزبائن يطلبو منهم شنطات Longchamp ديركت للجزاير، وهكا يضمنو الجودة والأصالة، للّي يقدّرو الحاجة الأصلية ويفضلو يصرفو الدراهم على المارك الحقيقية
التحدي الكبير هو تلقى حقيبة ماشي غير تليق وتبان شابة، بصح حتى تليق لحياتنا اليومية في عالم تتبدل فيه الموضة بزاف. حنا كنساء جزايريات، دايما نقلبو على حاجة عملية، تدوم، بسيطة، وفي نفس الوقت أنيقة بطريقة راقية. حقيبة تقدر تتكيف مع جدولنا المزدحم، سواء رايحين للمدرسة، نديرو رياضة، ولا نخرجو نتسوقو. الحقيبة المشهورة Longchamp Le Pliage هي الحاجة اللي جمعت كل هاد الشي وحتّى تبقى أنيقة. تحولات من مجرد موضة عابرة لخيار كلاسيكي يخلط بين الأناقة والفائدة بطريقة ممتازة للمرأة العصرية اليوم.
