.اتخيّل معايا تنوض كاش نهار الصباح باش تلبس اللبسة لي تبغيها اكثر، بصّح تصيبها قدامت ولّا تقطعت مورا شوي غسلات برك.
انخلعت ياك؟ ما تنخلعش و ارواح معايا في هذا المقال نعطيك أهم التدابير والخطوات العملية باش الحوايج لي تبغيهم يدومولك لوقت طويل، نبداوها بالطرق الصحيحة تع الغسيل، النشير، التحداد و نختموها بطريقة التخزين باش تصيبهم نهار تحتاجهم في مظهر شباب وريحة تعبّق بالنظافة ، هيا نبداو ..
أول حاجة: الغسيل. راهو كيما نهار spa للملابس ديالك، بصح غير إذا درتو صح!
قسم الملابس ديالك: خلي الأبيض يبقى أبيض والداكن يبقى داكن. كيما ما تخليش التلميذ المشاكس يقعد مع التلاميذ العاقلين!
درجة الحرارة تهم: الماء البارد غالباً هو الخيار الأفضل. راهو خفيف ويوفر الطاقة. يعني ربح مزدوج!
اختار الصابون بذكاء: استعمل الكمية الصحيحة من المسحوق. كمية كبيرة ماشي ديما مليحة.
لحوايج نغسلو, واش دير دركا ؟
علّقهم: التجفيف الطبيعي راهو كيما عطلة للملابس ديالك.
إذا لازم تستعمل المجفف: نقّص الحرارة وما تخليش لحوايج يطيبو!
تجنب التجفيف الزائد: خرجهم كي يكونوا ناشفين شوية. التنشاف الزائد راح يفسّد الحوايج مع الوقت.
بيناتنا, التجاعيد فيها فيها. بصح عندنا حلول !
الحديد ولا البخار؟ البخار للحوايج الرهيفة أو الخفيفة و الحديد للحوايج الخشينة.
حدّد كيما محترف: استعمل الحرارة المناسبة وحدّد من الداخل للخارج كي تقدر.
ما عندكش حديد؟ ماشي مشكل! علق الملابس المكمشة(المجعدة) في الحمام كي تكون تحمم. البخار يساعد على تنعيمها. طريقة مفيدة بزاف خاصة إذا كنت (كيما أنا) تكره الحديد!
خزانتك ماهيش غير كهف للملابس؛ راهي منزل ليهم!
تطوي ولا تعلق؟ علق الفساتين، القمايج، والسراويل. اطوي لحوايج الثقيلة كيما sweats باش تتجنب الانحناءات.
ceintres: استعمل ceintres مغلفين للملابس الحساسة. العلاقات السلكية راهي للغسيل فقط.
نظم الخزانة ديالك: ما تزحمش كلش. خلي حوايجك يتنفسو!
البقع تصرا لأفضل الملابس وأحسن الناس. هاوليك وش تدير:
تصرّف بسرعة: كل ما نظّفت البقعة بسرعة، كل ما زادت فرصة التخلص منها.
العلاجات المنزلية فعالة: بيكربونات الصودا، الخل، وعصير الليمون هوما الأبطال الخارقين للبقع.
التعديلات الصغيرة تقدر تدير فرق كبير:
تعلم كيفاش تخيط قفلة: أسهل من لي تتوقعه ومريحة بزاف.
رقع الثقوب الصغيرة: غرزة واحدة في الوقت توفر عليك تسعة (ملابس)!
حوّس على خياط شاطر: للأعمال الكبيرة، المحترف يقدر يدير العجائب.
القماش الرهيف: كيما الحرير والصوف عاملهم كيما الملوك. اغسلهم باليد ولا استعمل دورة الملابس الحساسة.
الجينز: اغسل أقل، حب أكثر. نظف البقع كي تقدر واغسل من الداخل للخارج.
ملابس الرياضة: اغسل بعد الرياضة باش تتفادى الرائحة. نشف بالهواء باش يبقاو مطاطيين.
كيما يتغير الطقس، لازم تتغير العناية بالملابس:
خزّن الملابس خارج الموسم في مكان بارد وجاف.
نظّف كلش قبل ما تخزنهم باش تلقاهم واجدين.
استعمل الكتل الخشبية أو أكياس الخزامة باش تحافظ على النضارة. خزانتك راح تفوح بريحة النظافة !
نقدروا انظفوا حوايجنا و نساهموا في تنظيف البيئة في نفس الوقت!
جرّب مساحيق صديقة للبيئة: راهي لطيفة على الملابس والبيئة تاني.
وفّر الماء والطاقة: الحملات الكاملة في الغسالة والوقت الأقل في المجفف يساعد بزاف.
إعادة الاستخدام والتدوير: الملابس القديمة تقدر تولي أقمشة تنظيف أو مشاريع حرفية. كون مبدع!
دليلك النهائي باش تبقى ملابسك تشع وتبان شابة لمدة أطول راهو واجد. ما تنساوش، شوية عناية تدير فرق كبير. ملابسك عندهم دور كبير في حياتك اليومية لهذا لازم عليك تتهلا فيهم!
ما عليكم ضروك غير تشاركوا المقال مع أهلكم وصحابكم باش يستفادوا من هاذ التدابير وخلّولنا في التعليقات الأفكار و الطرق تاعكم لي تستعملوهم باش تحافظوا على جودة حوايجكم. ،
